Ағымдағы жылдың 29 қыркүйегінде  Тәуелсіз Мемлекеттер Достастығы ұйымына кіретін мемлекеттердің білім беру мекемелерінің қызметкерлері мен мұғалімдерінің VІІ съезі шеңберінде Эстониялық делегация №2 Өнер мектебінде қонақ болды. Делегация ұжымын мектебіміздің қызметімен таныстырып, білім беру саласындағы ынтымақтастықты нығайту, практикалық тәжірибе алмасу бойынша пікір алмасу болды. Қонақтарымыз мектебіміздің жұлдызды топтары «Атамұра» жетігеншілер ансамблі, «Өркен» домбырашылар ансамблі, «Еркеназ» бишілер тобы, «Қазына» сазсырнайшылар ансамблі, «Назқоңыр» қобызшылар ансамблдерінің өнерін тамашалап, «Сурет»,  «Киімді көркемдеп үлгілеу» сыныптарының жұмыстарын көріп, өз қызығушылықтарын білдірді.

Бүгін  Қазақстан Республикасының Ұлттық академиялық кітапханасында  Мәдениет және спорт министрлігінің қолдауымен «KitapTime - 2022» фестивалі өтті. Фестивальға мектебіміздің «Сырлы саз» фольклорлық ансамблі,«Ғажайып» балалар театры, оқушыларымыз Сәменбек Елікай, Сәрсенова Айша, Жексенбаева Еркеназ қатысып,  өнерлерін көрсетті.

Ағымдағы жылдың  21 қыркүйегінде мектебімізде Тілдер күні мерекесіне орай «Тәрбие басы - тіл» тақырыбында сынып сағаты өтті. Сынып сағатында оқушылар өздерінің шығармаларын оқып, ән айтып,итеатр бөлімі оқушылары А. Байтұрсыновтың өлеңдерінен әдеби-композициялық қойылым қойды. Өткізген: Р. Кашканова, Г. Кайрбекова.

Елімізде қыркүйектің әр екінші жексенбісі Отбасы күні болып аталып өтеді. Бүгін мектебімізде Отбасы күні мерекесіне орай «Отбасы- бақыт мекені» тәрбие сағаты өтті. Іс-шарада мектеп директоры Гүлмира Жангелдіқызы мерекемен құттықтап, жылы лебізін жеткізді. Тәрбие сағатына қатысқан ата-аналар оқушылармен әуезді ән салып, ойындар ойнап, көркемсөз оқып, өз өнерлерін ортаға салды.

Бүгін Нұр-Сұлтан қаласының Есіл аудандық әкімдігінің ұйымдастыруымен  «Бәйтерек» сәулет құрылыс кешенінде Халықаралық отбасы күніне орай неке қию салтанатты рәсімі өтті. Іс-шараға мектебіміздің «Сырлы саз»  фольклорлық ансамблі қатысып, өнерлерін көрсетті. Мереке құтты болсын, Достар!

Бүгін №2 Өнер мектебінде Директор жанындағы кеңес өтті. Күн тәртібінде А. Кенжегулова Мемлекет Басшысы Қасым-Жомарт Тоқаевтың Қазақстан халқына  Жолдауының маңыздылығына тоқталды. Ұстаздар қауымы оқушылардың білімі мен өнерін шыңдауда Жолдаудың маңызы зор екенін атап өтті. Кеңес соңында мектеп мұғалімдері Р. Шарипов пен Б. Баймурзаев өрт қауіпсіздігі және антитеррорлық қауіпсіздік ережелерімен таныстырды.

1 қыркүйек - Білім күні мектебімізде «Сыңғырла, күміс қоңырау» салтанатты іс-шарасы өтті. Мектеп директоры Гүлмира Жангелдіқызы оқушылар мен ата-аналарды құттықтап, жаңа оқу жылында сәттілік тіледі. Оқушылар әсем ән-күймен, бимен кешімізді жалғады. Жазғы каникулда халықаралық байқауларға қатысып, жүлделі орын алған оқушылар алғыс хаттармен марапатталды.

Бүгін Нұр-Сұлтан қалалық Есіл аудандық әкімдігінің ұйымдастыруымен «Күй Жәрмеңкесі» мәдени-рухани іс- шараның ашылу салтанатында мектебіміздің «Өркен» домбырашылар ансамблі және қобыз сыныбының оқушысы Әбілхан Бірғаным қатысып өз өнерлерін көрсетті. Мәдени іс-шарада қазақтың ұлы күйші-композиторы Құрманғазы Сағырбайұлының күйлерін орындаудан көрермендер арасынан күй сайысы ұйымдастырылып, «Өркен» домбырашылар ансамбілі - ІІ орын, жеке орындаушылар арасынан Әбілхан Нұрлыхан - ІІІ орынға ие болды. Жетекшілері: А. Кенжегулова, Н. Айжарықов. Шын жүректен құттықтаймыз!!!

Қала күні мерекесінде «Астаналық» саябағында ұйымдастырылған іс-шараға мектебіміздің «Көркемсурет» бөлімінің оқушылары қатысып, елордамыздың көркем ғимараттарын, ескерткіштері мен сұлу табиғатын Есіл өзенінің жағасында отырып ақ қағазға салды. Қала қонақтары суреттерді тамашалап, балаларға ақ тілектерін айтып, ризашылықтарын білдірді. Жетекшілері: Р.Қуанов, Қ.Жәйірбек.

Бүгін, қала күні қарсаңында Ұлттық кітапхананың ұйымдастыруымен “ЕЛОРДА - “Kitap Time” атты кітаптар жәрмеңкесі ұйымдастырылды. Бұл іс -шараға мектебіміздің “ Назқоңыр” қобызшылар ансамблі және “Өркен” домбырақышар ансамблі қатысып, өз өнерлерін көрсетті. Жетекшілер: Ж. Кумисбекова, Н.Айжарыков. Мереке құтты болсын!