Top
a

Жаңалықтар

  • Рубрик нет
  • Бүгін Нұр-Сұлтан қаласының Есіл аудандық әкімдігінің ұйымдастыруымен  «Бәйтерек» сәулет құрылыс кешенінде Халықаралық отбасы күніне орай неке қию салтанатты рәсімі өтті. Іс-шараға мектебіміздің «Сырлы саз»  фольклорлық ансамблі қатысып, өнерлерін көрсетті. Мереке құтты болсын, Достар!

    Бүгін №2 Өнер мектебінде Директор жанындағы кеңес өтті. Күн тәртібінде А. Кенжегулова Мемлекет Басшысы Қасым-Жомарт Тоқаевтың Қазақстан халқына  Жолдауының маңыздылығына тоқталды. Ұстаздар қауымы оқушылардың білімі мен өнерін шыңдауда Жолдаудың маңызы зор екенін атап өтті. Кеңес соңында мектеп мұғалімдері Р. Шарипов пен Б. Баймурзаев өрт қауіпсіздігі және антитеррорлық қауіпсіздік ережелерімен таныстырды.

    1 қыркүйек - Білім күні мектебімізде «Сыңғырла, күміс қоңырау» салтанатты іс-шарасы өтті. Мектеп директоры Гүлмира Жангелдіқызы оқушылар мен ата-аналарды құттықтап, жаңа оқу жылында сәттілік тіледі. Оқушылар әсем ән-күймен, бимен кешімізді жалғады. Жазғы каникулда халықаралық байқауларға қатысып, жүлделі орын алған оқушылар алғыс хаттармен марапатталды.

    Бүгін Нұр-Сұлтан қалалық Есіл аудандық әкімдігінің ұйымдастыруымен «Күй Жәрмеңкесі» мәдени-рухани іс- шараның ашылу салтанатында мектебіміздің «Өркен» домбырашылар ансамблі және қобыз сыныбының оқушысы Әбілхан Бірғаным қатысып өз өнерлерін көрсетті. Мәдени іс-шарада қазақтың ұлы күйші-композиторы Құрманғазы Сағырбайұлының күйлерін орындаудан көрермендер арасынан күй сайысы ұйымдастырылып, «Өркен» домбырашылар ансамбілі - ІІ орын, жеке орындаушылар арасынан Әбілхан Нұрлыхан - ІІІ орынға ие болды. Жетекшілері: А. Кенжегулова, Н. Айжарықов. Шын жүректен құттықтаймыз!!!

    Қала күні мерекесінде «Астаналық» саябағында ұйымдастырылған іс-шараға мектебіміздің «Көркемсурет» бөлімінің оқушылары қатысып, елордамыздың көркем ғимараттарын, ескерткіштері мен сұлу табиғатын Есіл өзенінің жағасында отырып ақ қағазға салды. Қала қонақтары суреттерді тамашалап, балаларға ақ тілектерін айтып, ризашылықтарын білдірді. Жетекшілері: Р.Қуанов, Қ.Жәйірбек.

    Бүгін, қала күні қарсаңында Ұлттық кітапхананың ұйымдастыруымен “ЕЛОРДА - “Kitap Time” атты кітаптар жәрмеңкесі ұйымдастырылды. Бұл іс -шараға мектебіміздің “ Назқоңыр” қобызшылар ансамблі және “Өркен” домбырақышар ансамблі қатысып, өз өнерлерін көрсетті. Жетекшілер: Ж. Кумисбекова, Н.Айжарыков. Мереке құтты болсын!

    Бүгін №2 Өнер мектебінің «Art-Tumar» сәндік-қолданбалы өнер орталығында қала күні мерекесіне арналған «Ғажайып қалам - Нұр-Сұлтан» атты мерекелік іс-шара өтті. Орталық оқушылары ән айтып, би билеп, күйден шашу шашып, көрермендердің қошеметіне ие болды. Қала күні мерекесі құтты болсын! Елодамыз гүлдене берсін!!!

    Бүгін мектебіміздің өнерлі оқушылары «Ұлттық домбыра күні» мерекесіне орай өткен қалалық концертке қатысып, қала қонақтарына, қалың көрермендер алдында өз өнерлерін көрсетті. Іс-шарада әуезді әндер айтылып, күйден шашу шашылды. Жетекшілер: Н.Айжарыков, Т.Каскенева, З.Жакешов. Ұлттық домбыра күні мерекесі құтты болсын!!!

    Бүгін Елорда күні қарсаңында «Белсенді өмір сүру» орталығының ата-әжелері және №2 Өнер мектебінің өнерлі оқушыларымен біріккен концерт болды. Қала тұрғындары мен қонақтары тамашалаған кеш жоғары деңгейде өтті. Мереке құтты болсын!

    Бүгін Нұр-Сұлтан қалалық «Белсенді ұзақ өмір сүру» орталығында қала күніне арналған іс шараға мектебіміздің оқушылары ата-әжелерімізбен бірге өнер көрсетті. Көрмеге оқушыларымыздың жұмыстары қойылып, көрермендердің назарына ұсынылды. Мереке құтты болсын!