2022 жылы 8 қарашада Астана қалалық № 2 Өнер мектебінің жанынан ашылған «Art TUMAR» сәндік–қолданбалы өнер орталығында Астана қаласы әкімдігінің «Белсенді ұзақ өмір сүру орталығы» КММ «Көркем қыш» өнері бойынша шеберлік сабақтары көрсетілді. Ата- апаларымыз өз қолдарымен қыш құмыраларын жасап, қызығушылықтарын білдірді.

Бүгін  «Көркемөнер және киімді көркемдеп үлгілеу» бөлімінің педагогі Р. Алимгазина «Дәстүрлі емес сурет салу техникасын қолдану» тақырыбында шеберлік сыныбын өткізді. Шеберлік сыныптың мақсаты: Педагогтің біліктілікті арттыру курсынан алған тәжірибесімен бөлісуі, ерекше білім беру қажеттіліктері бар оқушымен жұмыс істеуде заманауи әдіс-тәсілдерді қолдану. Шеберлік сағатында Р. Алимгазина өз тәжірибесімен бөлісіп, ерекше білім беру қажеттіліктері бар оқушылармен қарым-қатынас жасау, оларды оқытудағы кездесетін қиыншылықтар туралы өз ойын ортаға салды.

Бүгін №2 Өнер мектебінде күзгі каникул  уақытын тиімді пайдалану мақсатында «Театр»  сыныбының 4 сынып оқушылары Актерлік шеберлік пәнінен «Тыңда» қойылымын көрсетті. Қойылымды театрдың 1 сынып оқушылары ерекше ықыласпен тамашалады. Пән мұғалімі Аяулым Қуанышева оқушылармен сахнадағы еркіндікті ашатын тренинг жаттығулармен жалғады.

2022 жылғы қазанның 31-де Астана қалалық Әл-Фараби атындағы оқушылар сарайында өткен «ITALIAN GRAND FESTIVAL» ІІ халықаралық байқауына Астана қалалық әкімдігінің №2 Өнер мектебінің театр бөлімінің оқушылары қатысып, төмендегі орындарға ие болды. Бас жүлде - «Ғажайып балалар» театр ұжымы. Жетекшісі: Г. Қайрбекова; 1 орын - «Шабыт»  театр ұжымы. Жетекшісі: Ұ. Асанова. ШЫН ЖҮРЕКТЕН ҚҰТТЫҚТАЙМЫЗ!