2-сынып.Театр тарихы, 4-тоқсан бағдарламасы бойынша Сабақ № 5
Сабақ № 5
Тақырыбы: Астана Жастар театры
Астана Жастар театры — 2007 жылдың 5- шілдеде Астана қаласы әкімдігінің қолдауымен құрылған. Өнер ордасы өз шымылдығын Шыңғыс Айтматов пен Әбіш Кекілбайұлынің «Шыңғысхан» спектаклімен ашыты. Спектаклдің қоюшы — режиссері Нұрқанат Жақыпбай, инсценировка авторы – Жаныш Құлмамбетов болды.
Театрдың алғашқы директоры- Қазақстанның еңбек сіңірген қайраткері, жастар одағы сыйлығының лауреаты Ғани Құлжанов.
Театр актерлерінің 95 пайызы — Т.Жүргенов атындағы Қазақ ұлттық өнер академиясының түлектері. Қазақстан білім беру ісінің үздігі, профессор Нұрқанат Жақыпбайдың шеберханасында тәрбиеленген шәкірттер. Театрдың іргесін қалап, өнердің үлкен даңғылына шыққан бір топ талапкер — Ернар Жұматаев, Әділ Ахметов, Дәурен Серғазин, Жандәулет Батай, Айнұр Рахипова, Азамат Есқұлов бастаған қыз-жігіттер жасампаз театрдың негізін қалаушылар, жас та болса ұжымның аға буыны саналады.
2015 жылдың 1 наурызында театр жаңа ғимаратқа ие болды. Жастар театры Халықаралық және республикалық театр фистивальдерінің жүлдегері.
Театр басшылары: 2007 жылдан театрдың көркемдік жетекшісі әрі бас режиссері — Қазақстанның еңбек сіңірген қайраткері, профессор Нұрқанат Жақыпбай.
2007 — 2013 жылдары театр директоры — актер, жастар одағы сыйлығының лауреаты Ғани Құлжанов.
2013 — 2016 жылдары театр директоры — Айболат Жанғалиұлы Сексенбаев.
2016 жылдан бастап театр директоры — актер, Ернар Құрбанбекұлы Жұматаев.