1-сынып. Актерлық шеберлік пәні. 4-тоқсан. Сабақ № 4
Тақырыбы: 3-5 жастағы балалар этюды
Балалар – қуыршақтар, аюлар, пойыздардың ойыншық екенін түсінеді, бірақ олармен ойнай бастағанда, бұл ойыншықтар назар мен сүйіспеншілікті қажет ететін тіршілік иесіне айналады. Мысалы: Сіздің жасыңыз үште. Сүйікті машинаңызбен ойнап отырсыз, кенет, ол диванның астына сырғып кетеді. Оны алып шығуға қолыңыз жетпейді, немесе, 5 жасар баласыз- үйде доп лақтырып ойнап отырып , байқаусызда анаңыздың сүйікті гүлін сындырып алдыңыз…
Осы ұсынылған тосын жағдайда 3-5 жасар баланың іс-әрекетін, көңіл-күйін этюд арқылы көрсетуіңіз қажет.
Тапсырма:
- Интернет, Youtube желілерінен 3-5 жасар балалардың қатысуымен бейнебаян көріп, олардың мінез-құлқын және де басқа да қылықтарын зерттеу;
- Баланың іс-қимылына, әдеттеріне, сөйлеу мәнеріне, тұлғалық ерекшеліктеріне еліктеу. Әр-түрлі реквизиттерді (ойыншық, ыдыс-аяқ,киім-кешек) қолдануға рұқсат етіледі.
- Қиялды оятуға арналған тренинг;
- «Құмсалғыш», «қараңғы бөлме», «ойыншыққа талас» т.б. тақырыптарға сүйене отырып, 2-3 минуттық этюд жасау.